AlertBell — గోప్యతా విధానం

చివరి మార్పు: 12 నవంబర్ 2026

1. ఒక్క మాటలో

"డబ్బు వచ్చింది" అని గట్టిగా చెప్పడానికి AlertBell మీ ఫోన్‌లోని పేమెంట్ నోటిఫికేషన్లను చదువుతుంది. మీ పేమెంట్ హిస్టరీ ఎప్పటికీ పోకుండా మీ AlertBell ఖాతాలో సురక్షితంగా బ్యాకప్ అవుతుంది.

2. AlertBell ఏమి చదువుతుంది

Settings లో మీరు ఆన్ చేసిన పేమెంట్, బ్యాంక్ యాప్‌ల (ఉదా: PhonePe, Google Pay, Paytm) నోటిఫికేషన్లు మాత్రమే. వాటిలో నుండి మొత్తం, యాప్ చూపిస్తే పంపినవారి పేరు, యాప్ పేరు, సమయం మాత్రమే దాచుతుంది. చాట్‌లు, OTP లు, ఈమెయిల్స్ వంటి ఇతర నోటిఫికేషన్లను పట్టించుకోదు, దాచదు. బ్యాంక్ బ్యాలెన్స్, ఖాతా నంబర్లు ఎప్పుడూ దాచదు, చెప్పదు.

3. మీ డేటా ఎక్కడ ఉంటుంది

పేమెంట్ వివరాలు (మొత్తం, కనిపిస్తే పంపినవారి పేరు, యాప్ పేరు, సమయం, మీరు రాసిన నోట్) ఈ ఫోన్‌లో ఉంటాయి, మీ ధృవీకరించిన మొబైల్ నంబర్‌కి లింక్ అయిన మీ AlertBell ఖాతాలో మా సురక్షిత సర్వర్‌లలో (HTTPS ద్వారా ఎన్‌క్రిప్ట్ అయి) బ్యాకప్ అవుతాయి. ఫోన్ మార్చినా, మళ్ళీ ఇన్‌స్టాల్ చేసినా, మళ్ళీ login అయినా మీ హిస్టరీ తిరిగి వస్తుంది. మీ షాప్ QR కోడ్‌లు (UPI ID, షాప్ పేరు), యాప్ సెట్టింగ్స్ కూడా ఇలాగే బ్యాకప్ అవుతాయి.

మా సర్వర్‌లో ఇంకా: మీ మొబైల్ నంబర్, ఫోన్ మోడల్, యాప్ వెర్షన్, భాష, అలర్ట్‌లు ఆన్‌లో ఉన్నాయా, ఈరోజు ఎన్ని అలర్ట్‌లు వచ్చాయి — login, చందా, సహాయం కోసం.

ఈ డేటాను మీరు (మీ నంబర్‌తో login అయి), మీరు అడిగినప్పుడు సహాయం చేయడానికి AlertBell సపోర్ట్ టీమ్ మాత్రమే చూడగలరు. దీన్ని ఎప్పుడూ అమ్మము, లోన్/క్రెడిట్ నిర్ణయాలకు వాడము, పంపినవారి వివరాలను ప్రకటనదారులతో పంచుకోము.

Logout చేస్తే ఆ ఫోన్ నుంచి మీ డేటా తీసేస్తాం; మీరు తొలగించే వరకు మీ ఖాతాలో ఉంటుంది. Settings లో "Delete all history" ఫోన్ నుంచి, మా సర్వర్‌ల నుంచి రెండింటి నుంచీ తొలగిస్తుంది. ఖాతా, మొత్తం డేటా తొలగించాలంటే https://alertbell.vercel.app/delete-account లోని దశలు పాటించండి లేదా మాకు ఈమెయిల్ చేయండి.

4. ఎవరితో పంచుకుంటాం

మీ పేమెంట్ వివరాలు (మొత్తాలు, పంపినవారి పేర్లు) ఎవరితోనూ పంచుకోం. హోమ్ స్క్రీన్‌లో Google AdMob ప్రకటనలు కనిపించవచ్చు; ప్రకటనలు చూపించడానికి, కొలవడానికి Google మీ ఫోన్ advertising ID, ప్రాథమిక ఫోన్ వివరాలు వాడవచ్చు (Android Settings → Google → Ads లో reset లేదా ఆఫ్ చేయవచ్చు). చందాలు Google Play ద్వారా జరుగుతాయి. "రిపోర్ట్ షేర్", "QR షేర్" నొక్కినప్పుడు ఏ యాప్‌కి, ఎవరికి పంపాలో మీరే ఎంచుకుంటారు.

5. అనుమతులు, ఎందుకు

• నోటిఫికేషన్ యాక్సెస్ — పేమెంట్ నోటిఫికేషన్లు చదవడానికి (ముఖ్యమైన ఫీచర్).

• బ్యాటరీ ఆప్టిమైజేషన్ మినహాయింపు — స్క్రీన్ ఆఫ్‌లో ఉన్నా అలర్ట్‌లు రావడానికి.

• నోటిఫికేషన్ చూపించడం — AlertBell పనిచేస్తోందని చూపే నిశ్శబ్ద స్టేటస్ నోటిఫికేషన్.

• ఫోర్‌గ్రౌండ్ సర్వీస్ / బూట్‌లో ప్రారంభం — ఫోన్ రీస్టార్ట్ అయినా అలర్ట్‌లు ఆగకుండా.

SMS, కాంటాక్ట్స్, లొకేషన్, కెమెరా, మైక్, స్టోరేజ్ అనుమతులు AlertBell అడగదు.

6. ఎంతకాలం ఉంటుంది, ఎలా తొలగించాలి

మీరు తొలగించే వరకు పేమెంట్లు ఉంటాయి. Settings → మీ డేటా → మొత్తం చరిత్ర తొలగించండి. యాప్ అన్‌ఇన్‌స్టాల్ చేసినా అన్నీ పోతాయి.

7. పిల్లలు

AlertBell షాప్ యజమానుల కోసం వ్యాపార సాధనం, 18 ఏళ్ల లోపు పిల్లల కోసం కాదు.

8. ఇది పేమెంట్ యాప్ కాదు

AlertBell డబ్బు పంపదు, తీసుకోదు, దాచదు; మీ UPI PIN అడగదు. అలర్ట్ పేమెంట్‌కి రుజువు కాదు — మీ బ్యాంక్ లేదా UPI యాప్‌లో నిర్ధారించుకోండి.

9. మార్పులు

ఈ విధానం మారితే కొత్త తేదీతో యాప్‌లో, ప్రాజెక్ట్ పేజీలో పెడతాం.

10. సంప్రదించండి / గ్రీవెన్స్ ఆఫీసర్

పేరు: Ashok Kumar, LMJ Technologies (LMJ APPS), Udyam UDYAM-AP-20-0120370

ఈమెయిల్: ashokca810@gmail.com · ఫోన్: +91 8801188884

చిరునామా: Vijayawada, Andhra Pradesh, India

30 రోజుల్లో జవాబిస్తాం.